ໃນຊຸມປີ 1960, ປະເທດລາວ ໄດ້ນຳໃຊ້ ສະແຕມ ແລະ ເງິນ ເພື່ອໃຊ້ໃນເຂດປົກຄອງຂອງຕົນ. ເງິນທີ່ນຳໃຊ້ເພື່ອຈຸດປະສົງໃຫ້ຮູ້ເຖິງ ຄວາມເປັນ ເອກະລາດ ແລະ ບໍ່ຂຶ້ນກັບ ລາຊະອານາຈັກລາວ. ເງິນນີ້ແມ່ນຖືກຜະລິດ ທີ່ ຊຽງໄຮ້ ສປ ຈີນ, ເຊິ່ງເງິນຂອງ ຫວຽດນາມ, ມົງໂກເລຍ, ກຸຍບ່າ, ກຳປູເຈ່ຍ ກໍ່ຖືກຜະລິດພີມ ຢູ່ທີນີ້ເຊັ່ນກັນ. ເງິນຂອງປະເທດລາວ ແມ່ນຖືກຜະລິດ ພີມໃນເດືອນ ເມສາ 1968 ແລະ ຖືກນຳໃຊ້ໃນເຂດປົກຄອງຂອງຝ່າຍປະເທດລາວ.
ເງິນກີບ ປະເທດລາວ 7 ແບບ ປະກອບມີ ໃບ 1 ກີບ, 10 ກີບ, 20 ກີບ, 50 ກີບ, 200 ກີບ ແລະ 500 ກີບ. ເຊິ່ງຮູບແບບຂອງເງິນແມ່ນ ສະແດງໃຫ້ເຫັນ ໃນແບບສັງຄົມນິຍົມ ເຊັ່ນວ່າ ໂຮງໝໍ, ກຳມະກອນໂຮງງານ ທີ່ເຮັດວຽກ ໃນເຂດຂອງ ຝ່າຍປະເທດລາວ, ຊາວນາທີ່ກຳລັງເຮັດວຽກຢູ່ຕາມທົ່ງໄຮ່ທົ່ງນາ ແລະ ຊາວປະມົງ. ນອກນີ້ບາງ ອັນຍັງສະແດງໃຫ້ເຫັນຮ່ອງຮອຍສົງຄາມ ເຊັ່ນວ່າ ນັກຕໍ່ສູ້ທີ່ເປັນຕົວແທນຂອງຝ່າຍປະເທດລາວ ໃນໃບ 10 ກີບ, ທະຫານລໍາລຽງລູກປືນ ໃນໃບ 200 ກີບ ແລະ ນັກຕໍ່ສູ້ຍິງຍົນ ອາເມລິກາ ທີ່ຊຽງຂວາງ ໃນໃບ 500 ກີບ.
ເງິນແມ່ນມີການອອກແບບທີ່ຄ້າຍກັນຄື ມີ ສັນຍາລັກຂອງລາວ, ສ່ວນວ່າ ສັນຍາລັກຊ້າງສາມຫົວ ທີ່ເປັນສັນຍາລັກຂອງ ລາຊະອານາຈັກລາວນັ້ນແມ່ນບໍ່ໄດ້ມີໃນເງິນຂອງ ປະເທດລາວ. ຕົວອັກສອນທີ່ຂຽນ ມີແຕ່ພາສາລາວ ໂດຍບໍ່ມີພາສາຝຣັ່ງ, ເຊິ່ງຈະຕ່າງຈາກ ເງິນຂອງ ລາຊະອານາຈັກລາວ. ມີຄຳຂວັນຂອງປະເທດລາວ ທີ່ຕໍ່ມາໄດ້ກາຍເປັນ ຄຳຂວັນຂອງ ສປປລາວ ທີ່ໄດ້ຂຽນວ່າ່ ລາວ: ສັນຕິພາບ, ເອກະລາດ, ປະຊາທິປະໄຕ, ເປັນກາງ, ວັດທະນາຖາວອນ!. ດ້ານຫຼັງຂອງເງິນ ພວກເຮົາຈະເຫັນ: ຄະນະກຳມະການສູນກາງແນວລາວຮັກຊາດ.
ໃນວັນທີ 15 ມິຖຸນາ 1976, ເງິນກີບ ລາຊະອານາຈັກລາວ ໄດ້ຖືກຖອນອອກ ຈາກການຈາລະຈອນໃນ ຕະຫຼາດ ແລະ ເງິນກີບ ປະເທດລາວ ໄດ້ຖືກນຳໃຊ້ແທນ ແລະ ເປັນເງິນຖືກກົດໝາຍ ທີ່ຖືກນຳໃຊ້. ເງິນກີບ ປະເທດລາວ 1 ກີບ ແລກໄດ້ ເງິນ 10 ກີບເງິນ ລາຊະອານາຈັກ ລາວ. ໃນປີ 1979, ເງິນກີບ ປະເທດລາວ ກໍ່ໄດ້ຖືກຖອນ ອອກຈາກການນຳໃຊ້ ແລະ ຖືກແທນ ໂດຍເງິນຂອງ ສປປ ລາວ ທີ່ຖືກພີມ ແລະ ແຈກຢາຍນຳໃຊ້ ຈົນເຖິງປະຈຸບັນ.
No comments:
Post a Comment